Sò-u dìmmo in zenéize!

Questa pagina è realizzata da Franco Bampi, docente di Meccanica razionale presso la Facoltà di Ingegneria dell’Università degli Studi di Genova e presidente dell’associazione “A Compagna”. Bampi collabora con il Gazzettino Sampierdarenese dal luglio 2004, dove uscì per la prima volta la rubrica “Parollè de Zena”. Da gennaio 2007 il nostro mensile pubblica un’intera pagina dedicata e scritta interamente in genovese, curata da Franco Bampi, con la collaborazione nel corso degli anni di importanti personaggi della cultura ligure: Maria Terrile Vietz, Carlo Tardito, Ebe Buono Raffo, Filippo Noceti e molti altri.

 

Tanto pe mogognâ (maniman…)

Cöse che van ben e cöse che van mâ

Poscibile che quarche cösa a pòsse anâ ben? Digg’a veitæ: no ghe creddo ancon, ma m’an vosciuo dî che gh’é de personn-e de San Pê d’Ænn-a che se dan da fâ pe rende vivibile ciassa Setenbrini (che niatri de San Pê d’Ænn-a conoscemmo co-in atro nomme…). An za fæto li de manifestaçioin, sunòu da muxica, prezentòu di libbri. Insomma an çercòu de inventase de ativitæ pe poei portâ inta ciassa tante personn-e, pe faghe scrovî che stâ a l’averto, tutti insemme, a l’é ’na bella cösa, che a l’antigo se fava pròpio coscì, co-e dònne che se portavan ’na banchetta p’asetase, ’na rivista da leze ò a maggia da fâ sensa tanti computer, televixoin e telefonin.
Però (e chi mogogna no s’inara mai!) pe ’na cösa ch’a va ben, çento van mâ! E me spiego. L’é za ’n pö che li da-o Matiton ghe do remescio pe fâ ’na ranpa pe montâ in sciâ Sorviaelevâ. «’Na bella cösa – ò pensòu – coscì chi sta da-a vixin a-o Matiton o peu pigiâ a Sorviaelevâ sensa dovei fâ o gio de l’öca». Pöi, tragicamente, screuvo che a veitæ a l’é ’n’atra. Veuan ciaciâ zu a ranpa de stradda Cantore, quella in faccia a-o Fosòu! M’atasto se ghe son! L’é ciæo (a-o manco pe chi conosce i pòsti) che a neuva ranpa a l’é ’na bella comoditæ, ma se se caccia zu l’atra ranpa saiâ ’n inferno! Purtròppo devo dî che chi ne governa e chi decidde de cöse pæge, de spesso no sa manco de cöse se parla! Mi spero pròpio che se riesce a tegnî sciù quella ranpa, se no no poemo fâ atro che sperâ che o Segnô o n’agiutte e o n’avarde da-o ramadan che ne sciortiâ. Comm’öriæ ciantala li co-i mogogni! Ma quande e cöse van ben, gh’é de longo quarchedun ch’o va a çercâ o mâ comme i meghi… e te saluo Manena!

O Crescentin

1 comment for “Sò-u dìmmo in zenéize!

  1. Leopoldo Alberto Germani
    4 maggio 2015 at 04:32

    So descendiente de genoveses y ya en una oportunidad me contacté con usted señor Franco Bampi. Deseo seguir en contacto con usted para intercambiar algunas frases y comentarios sobre canciones y todo tipo de legendas de lígures. Espero respuesta. Salute e buona fortuna.
    Leopoldo Bahía Blanca

Lascia un commento

Il tuo indirizzo email non sarà pubblicato. I campi obbligatori sono contrassegnati *